”დედამიწაზე ყველაფერს თავისი სახელი ჰქვია. მოვალთ ადამიანები, დაგვარქმევენ ახლობლები სახელებს, ვივლით ამ სახელით იმდენ ხანს, რამდენი ხანიც გვიწერია ამ ცის ქვეშ ყოფნა და წავალთ… მივებარებით საცხონებლად შემოქმედს ჩვენსას ”სახელითა მამისათა და ძისათა და სულისა წმინდისათა, აწ და მარადის, უკუნითი უკუნისამდე…” იქით რა არის არავინ იცის, აქეთ კი მარტო სახელი გვრჩება. სახელს ალამაზებს ადამიანი და ადამიანი ალამაზებს სახელს. რამდენს, რამდენს, ცხოვრებაზე გამწარებულს, წაჰყოლია სახელის სევდა… რამდენს მიუმატებია სახელისთვის სახელი… რამდენი დარჩენილა უსახელოდ… რამდენი ეძებს სახელს… და კიდევ რამდენი კარგავს… ღმერთო, მაღალო, შეიწყნარე ამ მიწაზე ყოველი სახელი ჩვენი, უადგილოდ ნუ დასვამ წერტილს და ნუ მოგვივლენ განსაცდელს მძიმეს, რათა ვადიდოთ სახელი შენი.”
კეთილი იყოს თქვენი მობრძანება
ნათიას სამყარო 
Comments on: "ჩვენი სახელი…" (3)
ძალიან კარგი სიტყვებია..
ამინ!
ლამაზი სიტყვებია. სრული სიმართლე. : ) : *