"უფალო, იესო ქრისტე, ძეო ღვთისაო, შემიწყალე მე ცოდვილი."

გიყვარდეს..


“სიყვარულს ჩარჩოში ვერ ჩასვამ, რადგან მას სამყარო ვერ იტევს. იგი ძალაა ღმერთისა, ანგელოზის ენით ნათქვამი. მთავარია შენ გიყვარდეს, გიყვარდეს ისე, რომ სამაგიეროს არ ელოდო.. გიყვარდეს.. რა მოხდა მერე, იმ ძალით თუ არ გიპასუხებენ..”

მამა პეტრე

“მე აგარიდე ფეხი, გვირილავ,
წამოგიქროლა, ქარმა გაგთელა,
რა იოლია სხვისი ტკივილი,
რა ადვილია სხვისთვის სათქმელად..”

. ხარხელაური

ხომ შეიძლება სხვა იცინოდეს
შენ კი არა და არ გაგეცინოს,
ხომ შეიძლება დაგღალოს დღემ და
ბალიშზე მაინც არ დაგეძინოს.

ხომ შეიძლება მომავლის გარდა,
გარდასულ დღეთა სხივზეც იღელვო,
სულ ერთი ჭიქა დალიო, მაგრამ
დათვრე და დარდი ამოიმღერო.

ხომ შეიძლება ვარსკვლავი ჩანდეს,
მერე უბრალო შუქი გამოდგეს.
ხომ შეიძლება ლექსს გიბეჭდავდნენ,
გიხაროდეს და არ გიხაროდეს.

ხომ შეიძლება ეტრფოდე იებს
და ენძელების იქცე ძიებად,
გძულდეს და მაინც გიყვარდეს ძლიერ,
ეს ყველაფერი ხომ შეიძლება?

მაგრამ რატომღაც გულშივე ვმალავთ,
გულიდან ცივად დაძრულ წყაროებს,
მერე ეჭვები არ გვაძინებენ
და ცხელ ცრემლებად მოწანწკარობენ.

და მიდის ასე ცხოვრების ეტლი,
გრძნობ ამ ტაატში ყველა მგზავრია,
ჩვენს უკანასკნელ სადგურებს ველტვით,
გვიხარია და არ გვიხარია..

ხომ შეიძლება გზა ვერ გაიგნო,
წყალში იდგე და მაინც იწვოდე,
ხომ შეიძლება მრუდედ გაიგონ,
შენი ცხოვრების ყველა სისწორე.

თქმულს მკითხველები ვეღარ მიგიხვდნენ,
ცამდე მართალმა ვერ იმართალო,
სიბრძნის კოშკამდე ისე მიხვიდე,
რომ უმეცრებმა გიჟად ჩაგთვალონ.

ხომ შეიძლება ეტრფოდე იებს
და ენძელების იქცე ძიებად,
გძულდეს და მაინც გიყვარდეს ძლიერ,
ეს ყველაფერი ხომ შეიძლება?

მ. ფოცხიშვილი

“რაც უფრო მეტად შეგიყვარე

გ ა ვ უ ბ რ ა ლ ო ვ დ ი,

რადგან უბრალო,

ღმერთის გარდა, არავის უყვარს..”

ნ. მეფარიშვილი

“ეს მე კი არა, ღმერთს უყვარხარ ჩემში გადმოსულს.. მე ხომ ასეთი სიყვარული არ შემიძლია..”

“ის მიდის ჩემგან, მიდის შორს და მიდის უჩემოდ…

ატმის ყვავილებო! ბილიკი დაფარეთ, გზა არ უჩვენოთ..

“ვისაც დიდი სიყვარული შეუძლია, იმან დარდიც დიდი იცის..”

თ. დოსტოევსკი

“ჩუმია სულის ხმა, ის მხოლოდ გულის მდუმარებაში ისმის..”

ითოვოს გარეთ.. ვინ ჩამიქრობს გაზაფხულს სულში..”

“არ მეშინია დაზამთრების, რადგან ვაპრილობ,
რადგან ჩემს გულში ენძელების ყვავილებს ვიმკი,
არ მეშინია ბინდებისაც, რადგან ჩემი მზე 
სულ უფრო მათბობს და მინათებს სიბნელეს ირგვლივ..”

. სალაყაია

Advertisements

Comments on: "გიყვარდეს.." (5)

  1. ვაიმე, ძალიან მომწონს შენი ბლოგი : ) რაც შევძელი გადავიკითხე…. მართალი ხარ ყველაფერში, მართალი ხარ!

  2. ეს ყველაზე კარგი ბლოგია რაც მინახავს! მართლა! ულამაზესი სიტყვები და უდიდესი სიბრძნე. აი, რა მომწონს აქ.

  3. ნათია, მადლობა. ჯანმრთელობა, ბედნიერება და უფლის მფარველობა არ მოგკლებოდეს.

  4. მეამაყებით !!..)

  5. ძალიან, ძალიან თბილი და საყვარელი ადამიანი ხართ.. სურვილი მაქვს გიცნობდეთ ახლოდანაც, რადგან უფრო ახლოს მოგეფეროთ და ჩაგიკრათ გულში.. მინდა გისურვოთ ცხოვრებაში ყველაფერი საუკეთესო და გული არასოდეს, არავინ და არაფერმა გატკინოთ..

კომენტარის დატოვება

Fill in your details below or click an icon to log in:

WordPress.com Logo

You are commenting using your WordPress.com account. Log Out / შეცვლა )

Twitter picture

You are commenting using your Twitter account. Log Out / შეცვლა )

Facebook photo

You are commenting using your Facebook account. Log Out / შეცვლა )

Google+ photo

You are commenting using your Google+ account. Log Out / შეცვლა )

Connecting to %s

ტეგების ღრუბელი

%d bloggers like this: